Presidenti amerikan Donald Trump ka deklaruar në një intervistë për Fox News se Irani do të “zhdukej nga faqja e dheut” nëse sulmon anijet amerikane gjatë operacionit “Projektit Liria”.
Trump tha gjithashtu se Irani është bërë “më i hapur për negociata”, ndërsa theksoi se Shtetet e Bashkuara kanë kapacitete ushtarake më të forta se Teherani.
Deklaratat e tij vijnë pas njoftimit në rrjetin Truth Social se forcat amerikane kanë goditur shtatë anije të vogla iraniane si pjesë e operacionit për hapjen e Ngushticës së Hormuzit.
SHBA ka deklaruar gjithashtu se ka rrëzuar dronë dhe raketa iraniane në këtë zonë.
Të dielën, Trump shpalli nisjen e operacionit “Project Freedom”, duke thënë se SHBA është kërkuar nga disa vende në botë për të ndihmuar në lirimin e anijeve tregtare të bllokuara në këtë rrugë strategjike detare.