Irani ekzekuton tre burra të akuzuar për përdhunim
Tre burra të dënuar për përudhim seksual janë ekzekutuar në burgun “Adel Abad” në qytetin iranian të Shirazit. Sipas gazetës “Etemad”, dënimi ishte shqiptuar në verën e këtij viti pasi u zbulua se ata kishin përdhunuar dhe grabitur disa gra në vitin e kaluar të kalendarit iranian. Ndërkaq, është kritikuar fakti se numri i dënimeve […]
Tre burra të dënuar për përudhim seksual janë ekzekutuar në burgun “Adel Abad” në qytetin iranian të Shirazit.
Sipas gazetës “Etemad”, dënimi ishte shqiptuar në verën e këtij viti pasi u zbulua se ata kishin përdhunuar dhe grabitur disa gra në vitin e kaluar të kalendarit iranian.
Ndërkaq, është kritikuar fakti se numri i dënimeve me vdekje që po kryhen në Iran është rritur ndjeshëm që nga ardhja në pushtet e presidentit Ebrahim Raisi, më shumë se një vit më parë. Kritika të tilla kanë ardhur nga aktivistët e të drejtave të njeriut, transmeton REL.
Bazuare në një raport të “Amnesty International”, të paktën 250 persona janë ekzekutuar vetëm në gjysmën e parë të vitit 2022, kryesisht për vepra penale të drogës.
Dy ekzekutime të pjesëmarrësve në demonstratat e vazhdueshme mbarëkombëtare së fundmi habitën vëzhguesit dhe shkaktuan kritika ndërkombëtare.














