Ish-avokati i Navalnyt arrestohet në Moskë

Mediat ruse raportuan më 27 shkurt se policia arrestoi Vasily Dubkov - ish-avokatin e politikanit opozitar, Aleksei Navalny

Mediat ruse raportuan më 27 shkurt se policia arrestoi Vasily Dubkov – ish-avokatin e politikanit opozitar, Aleksei Navalny – nën akuza të paspecifikuara.

Navalny vdiq derisa po vuante një dënim prej 19 vjetësh burgim nën akuza që përfshinin ekstremizëm.

Avokati Dubkov shoqëroi nënën e Navalnyt në qytetin Salekhard javën e kaluar, ndërsa ajo po kërkonte të lironte trupin e djalit të saj.

Trupi i Navalnyt iu dorëzua nënës së tij, Lyudmila Navalnaya, më 24 shkurt, më shumë se një javë pasi kritiku i Kremlinit vdiq në rrethana të dyshimta në një burg në Arktik.

Ende nuk është bërë publike shkaku i vdekjes së 47-vjeçarit.

Tre ish-avokatët e Navalnyt – Vadim Kobzev, Igor Sergunin dhe Aleksei Lipster – u arrestuan në nëntor me akuza për ekstremizëm.

Në mes të nëntorit, një gjykatë në Moskë lëshoi një urdhërarresti për një tjetër ish-avokat të Navalnyt, Olga Mikhailova, me akuza për ekstremizëm.

Navalny, mbështetësit e tij, zyrtarët perëndimorë dhe organizatat për të drejtat e njeriut i kishin cilësuar akuzat si të motivuara politikisht.

Qindra rusë janë arrestuar gjatë homazheve për Navalnyn në mbarë Rusinë.

Familjarët e Navalnyt, bashkëpunëtorët e tij dhe zyrtarët perëndimorë kanë fajësuar presidentin rus, Vladimir Putin, për vdekjen e tij.

Zyrtarët rusë i kanë hedhur poshtë këto akuza./REL

Shija e redaktorit

Lansohet platforma e-Komuna, Kurti: Drejt një qeverisjeje digjitale me fokus...

Ministria e Administrimit të Pushtetit Lokal ka organizuar të premten ceremoninë e lansimit të shërbimeve të e-Komuna, e cila është pjesë e platformës shtetërore...

ASK: Në Kosovë s’ka rënie të madhe të numrit të...

Procesi i regjistrimit të popullsisë në Kosovë përfundon këtë të premte, pas fillimit të tij më 5 prill, rezultatet preliminare të të cilit pritet...

Osmani bisedon me homologun gjerman, diskuton rëndësinë e anëtarësimit të...

Presidentja e Kosovës, Vjosa Osmani, të martën mbrëma ka zhvilluar një bisedë telefonike me homologun gjerman, Frank-Walter Steinmeier. Në një postim në rrjetin social "X",...

Të fundit nga rubrika