Takimi mes kryeminsitrit Kurti dhe presidentit Vuçiq është konsideruar si një hap përpara në procesin e normalizimit të marrëdhënieve mes Kosovës dhe Serbisë nga ish-ministri i Jashtëm i Shqipërisë, Ditmir Bushati.
Bushati ka thënë se plani evropian ka disa elemente mjaft pozitive për Kosovën, ku përmendet reciprociteti, pranimi i integritetit dhe sovranitetit territorial të Kosovës, por edhe për pandryshueshmërinë e kufijve.
“Mendoj që është një hap përpara në një proces të gjatë dhe sfidues që ka lidhje me normalizmin e marrëdhënieve mes Kosovës dhe Serbisë. Ne jemi njohur vetëm me tekstin e planit evropian, por ende nuk dimë detajet që duhet të përbajë aneksi i këtij plani dhe mekanizmi i implementimit”, ka thënë Bushati për Euronews Albania.
Tutje, Bushati ka theksuar se njohja e pasaportës kosovare dhe njohja e simboleve të Kosovës janë elemente që flasin për një njohje implicite.