Arlind Hajdaraj, ish-student i Fakultetit të Edukimit në Gjakovë, ka thënë se “gjatë ligjëratave, profesori në fjalë ka thënë se gjatë ligjëratave ai ka qenë shumë korrekt dhe i përgatitur.”
Ai thotë se në vitin 2014 gjatë provimit të fundit që kanë mbajtur me të “më 23 janar 2014”, ka shtuar se ka qenë një rast konkret i ngacmimit seksual nga ana e profesorit, kur edhe është lajmëruar rasti dhe janë marrë masa ndaj tij.
Ai ka thënë se nuk e di se a ka pasur raste të mëhershme.
“Studentët nuk janë kanë krejt në një grup, kemi qenë të ndarë në dy grupe, provimi i vitit të parë ‘Matematika elementare I dhe II’. Unë kam qenë në grupin e dytë, sepse e kam kaluar atë provim më parë (Matematikën elementare I) edhe dy banka para meje ka qenë studentja, profesori i afrohet afër, e sheh provimin dhe i thotë ‘nuk paske mësuar sa duhet me kalu’”.
Tutje, ish-studenti ka thënë se profesori i ka thane studentes “Ne mund me ia bë edhe ndryshe, thjesht me pi një kafe dhe me diskutu”.
Sipas tij, kjo ka qenë një nismë e mjaftueshme për ta marrë si ngacmim seksual.
“Menjëherë mas provimit kemi diskutu bashkë të gjithë kolegët, me ndihmën e një profesoreshe, e cila na ka kërkuar atëherë me mbetë anonime, edhe të njëjtin qëndrim e mban edhe sot, ne e kemi hartu një peticion të cilin e kemi nënshkru dhe e kemi dorëzu”.
“Që nga ajo kohë, edhe mund të harroj ndonjë presje aty-këtu, por i ka thënë profesori studentes ‘me diskutu’ dhe, sipas tij, thelbi i ngjarjes ka qenë aty.
“Brenda një periudhe rekord, as një javë nuk kanë qenë në pyetje, profesori largohet nga fakulteti”, ka thënë ai, duke shtuar se nuk e di se a është shkarku apo çfarë ka ndodhur me të, por “thjesht ai nuk ka ardh më”.
Më tej, Hajdaraj ka thënë se gjatë atij afati, profesori i ka rrëzuar të gjithë studentët nga provimi, sipas tij “në shenjë hakmarrjes”, pastaj ka shtuar ai se profesori është zëvendësuar me një profesoreshë tjetër, me të cilën kanë mbajtur provimin.