Shtetet e Bashkuara e kanë caktuar Kocho Angjushev, ish-zëvendëskryeministër i Maqedonisë së Veriut, si përgjithësisht të papërshtatshëm për hyrje në ShBA, “për shkak të përfshirjes së tij në korrupsion të madh”.
Siç thuhet në komunikatën Departamentit të Shtetit të SHBA-së, në kohën kur shërbeu si zëvendëskryeministër, Angjushevi abuzoi me pozitën e tij zyrtare për t’i përfituar interesat e biznesit të tij privat, duke cenuar besimin e publikut në institucionet dhe proceset qeveritare të Maqedonisë së Veriut.
“Derisa shërbente si zëvendëskryeministër, Angjushev abuzoi me pozitën e tij zyrtare për të përfituar interesat e tij private të biznesit, duke minuar besimin e publikut të Maqedonisë së Veriut në institucionet e tyre qeveritare dhe proceset publike”, thuhet në komunikatën e DASH-it.
Gjithashtu, DASH-i ka përcaktuar gruan e Angjushevit, Elizabetën dhe fëmijët, Angelin dhe Ognenin, si përgjithmonë të papërshtatshëm për hyrje në Shtetet e Bashkuara.
“Veprimi i sotëm tregon se Shtetet e Bashkuara qëndrojnë me ata në Maqedoninë e Veriut që kërkojnë llogari nga zyrtarët publikë të korruptuar. Ky emërtim ripohon përkushtimin e SHBA-së për të luftuar korrupsionin, i cili dëmton interesin publik, pengon prosperitetin ekonomik të vendeve dhe pakëson aftësinë e qeverive për t’iu përgjigjur në mënyrë efektive nevojave të njerëzve të tyre”, thuhet tutje nga DASH-i.