Kandidati për kryetar të Prishtinës nga PDK, Uran Ismaili, në debatin për kryeqytetin në Debat Plus në RTV Dukagjini ka folur për mungesën e spitalit të qytetit, duke e quajtur këtë një fatkeqësi të madhe për kryeqytetin.
Ai tha se plani për ndërtimin e Spitalit të Prishtinës është përgatitur që në kohën kur ai ka qenë ministër i Shëndetësisë, por se asnjë nga kryetarët e Prishtinë që nga ajo kohë nuk e ka çuar përpara këtë projekt.
Sipas Ismailit, qytetarët e Prishtinës po diskriminohen në trajtim, pasi QKUK i shërben gjithë Kosovës njësoj, ndërsa banorët e kryeqytetit shpesh duhet të presin për të marrë shërbimet bazike.
“Atë që e kam filluar si ministër, do ta përfundoj si kryetar”, ka thënë ai.
Ai është sfiduar nga Çeku i cili e ka akuzuar atë për mosfillim të projektit derisa i ka thënë se ke proklamuar se e ka filluar atë projekt.