Italia mbështet liberalizmin e vizave për Kosovën

Nënsekretari Ministrisë së Punëve te Jashtme të Italisë, Benedetto Della Vedova, ka shprehur mbështetjen për liberalizmin e vizave për Kosovën

Benedetto Della Vedova

Gjatë vizitës në Kosovë, nënsekretari Ministrisë së Punëve te Jashtme të Italisë, Benedetto Della Vedova, ka mbajtur një konferencë për media.

Ai, gjatë konferencës, ka shprehur mbështetjen e Italisë për liberalizmi e vizave për Kosovën.

“Italia gjithmonë e ka mbështetur dhe mbështet liberalizimin e vizave për Kosovën… S’ka kuptim që vetëm qytetarët e Kosovës të kenë nevojë për viza në Ballkanin Perëndimor….Urojmë që edhe vendet që kanë dyshime për liberalizim të vizave t’i largojnë ato”, ka thënë Della Vedova.

Gjithashtu, ai nuk ka lënë pa e komentuar edhe dialogun Kosovë-Serbi, duke thënë se në dialog duhet të përfshihet edhe komuniteti që flet serbisht në Kosovë.

“Sa i përket dialogun Prishtinë-Beograd…Ne konsiderojmë se ky dialog duhet të përfshijë edhe komunitetin që flet serbisht në Kosovë…Ne inkurajomë dialogun, si në aspektin dypalësh dhe në kuadër të mbështetjes së BE-së të përqendrohen në pikat kyçe që janë në gjetjen e një zgjidhje”, ka shtuar ai.

Ndërkaq, ai u shpreh se Italia do t’i qëndrojë afër Kosovës drejt integrimeve evropiane.

“I qëndrojmë afër demokracisë në Prishtinë, i qëndrojmë afër Kosovës drejt integrimeve evropiane…jemi të gatshëm dhe i qëndrojmë afër Qeverisë së Kosovës që të bashkëpunojmë për gjitha marrëveshjeve, në radhë të parë në të mirën e qytetarëve të Kosovës, në të mirën e sipërmarrjeve të Kosovës dhe natyrisht në të mirën e vendit në integrimin e saj…Kjo ka të bëjë me sundimin e ligjit, demokracinë dhe sundimin e sistemit gjyqësor”, ka thënë mes të tjerash Della Vedova.

Po ashtu, ai ka theksuar se lufta kundër korrupsionit është e rëndësishme në zhvillimin ekonomik të vendit.

Nënsekretari Ministrisë së Punëve te Jashtme të Italisë, Benedetto Della Vedova, gjatë vizitës së tij në Kosovë, është takuar edhe me disa nga krerët më të lartë institucionalë.

Benedetto Della Vedova dhe Albin Kurti

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika