Italia ndalon përdorimin e ChatGPT-së

Italia është bërë vendi i parë perëndimor që ka bllokuar bashkëbiseduesin digjital, ChatGPT

Italia është bërë vendi i parë perëndimor që ka bllokuar bashkëbiseduesin digjital, ChatGPT, shkruan BBC të premten.

Autoriteti italian i mbrojtjes së të dhënave ka thënë se kishte shqetësime për privatësinë në lidhje me modelin, i cili u krijua nga “OpenAI” dhe mbështetet nga Microsofti.

Rregullatori ka thënë se do të ndalonte dhe hetonte OpenAI “me efekt të menjëhershëm”.

Italia dyshon se ChatGPT ka shkelur rregulloren e saj për privatësinë. OpenAI ka 20 ditë kohë për të treguar se si do të trajtojë shqetësimet e mbikëqyrësit, ose do të pasojë një gjobë prej 20 milionë eurosh ose deri në 4% të të ardhurave vjetore.

Miliona njerëz kanë përdorur ChatGPT-në që nga lansimi në nëntor 2022.

ChatGPT mund t’u përgjigjet pyetjeve duke përdorur gjuhë natyrale, të ngjashme me njeriun dhe gjithashtu mund të imitojë stile të tjera të të shkruarit, duke përdorur internetin  si bazën e të dhënave.

Microsoft ka shpenzuar miliarda dollarë për të dhe krijoi edhe “Bingun” muajin e kaluar.

Microsoft ka thënë gjithashtu se do të fusë një version të teknologjisë në aplikacionet Office, duke përfshirë Word, Excel, PowerPoint dhe Outlook.

Ka pasur shqetësime mbi rreziqet e mundshme të inteligjencës artificiale (AI), duke përfshirë kërcënimin ndaj vendeve të punës dhe përhapjen e dezinformatave dhe paragjykimeve.

Në fillim të kësaj jave, figurat kryesore të teknologjisë, përfshirë Elon Musk, kërkuan që këto lloje të sistemeve të inteligjencës artificiale të pezulloheshin mes frikës se gara për t’i zhvilluar ishte jashtë kontrollit.

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika