Sot në Piranë është varrosur trupi i Ukë Sait Ukaj, për fatin e të cilit nuk është ditur që nga viti 1999 e deri më tani.
Këtë e bëri të ditur deputeti i Lidhjes Demokratike të Kosovës, Driton Selmanaj, i cili së bashku me bashkëpuntorë ka nderuar figurën e tij.
“Bashkë me bashkëpuntorë, sot nderuam figurën e patriotit nga Pirana, Ukë Sait Ukaj, për fatin e të cilit nuk është ditur nga viti 1999 e deri më tani. Trupi i Bacit Ukë është gjetur pas 25 viteve, dhe sot ne e nderuam figurën e tij me respektin më të madh”, ka shkruar Selmanaj.
Ai ka thënë se familja Ukaj dhe Pirana kanë jetuar për 25 jet në mungesë të Ukë Sait Ukajt.
“Dashnia për Kosovën e lirë, i dha vullnet për të kapur armën edhe të birit të bacit Ukë, i cili sot është dëshmor i Kosovës, Vait Ukë Ukaj. Në fund, lutemi për të gjithë familjet e të zhdukurve, që sa më parë të dihet për fatin e më të dashurve të tyre, ku edhe pas 25 vitesh ende nuk dihet për fatin e tyre. Gjithashtu nuk duhet të ndalemi së kërkuari që kriminelët që kryen aktet e tilla të dalin para drejtësisë!. Ata e donin Kosovën, ata e donin lirinë dhe pavarësinë e Kosovës”, ka përfunduar deputeti.