Ish-ndihmëssekretari amerikan i Shtetit, James Rubin, ka nisur sot dëshminë e tij para Gjykatës Speciale në Hagë, në procesin kundër ish-presidentit Hashim Thaçi dhe ish-krerëve të tjerë të Ushtrisë Çlirimtare të Kosovës.

Rubin është një nga dëshmitarët e thirrur nga pala mbrojtëse.

Ndërsa, edhe dy zyrtarë të Departamentit amerikan të Shtetit janë të pranishëm në gjykatore.

Javën e kaluar, Rubin kishte konfirmuar publikisht se do të paraqitej para trupit gjykues, gjatë një interviste në emisionin “Christiane Amanpour Presents: The Ex Files”.

“Do të jem në Evropë, sepse javën e ardhshme do të jap dëshmi në Tribunalin Special për krime lufte në Kosovë. Si dikush që i ndihmoi Madeleine Albright-it në themelimin e Tribunalit fillestar për krime lufte, kjo nënkupton se do të kthehem përsëri në fillim dhe kam më shumë për të thënë për këtë,” kishte deklaruar Rubin.

Dëshmia e tij pritet të zgjasë dy deri në tri ditë.

Avokati i Thaçit për dëshmitarët e mbrojtjes: Procesi do të na kthej në realitet, do kuptohet çka ka ndodhur me të vërtetë në ’99-tën