James Rubin viziton Ballkanin Perëndimor, shmang Kosovën dhe Serbinë

I dërguari special dhe koordinatori për Qendrën Globale të Angazhimit, James Rubin, për katër ditë do të vizitojë Shqipërinë, Maqedoninë e Veriut dhe Malin e Zi

James Rubin

I dërguari special dhe koordinatori për Qendrën Globale të Angazhimit, James Rubin, për katër ditë do të vizitojë Shqipërinë, Maqedoninë e Veriut dhe Malin e Zi. Në këtë vizitë ai nuk do të ndalet në Kosovë dhe Serbi.

Këtë vizitë, Rubin do të zhvillojë gjatë 10-14 prillit, njofton Departamenti i Shtetit.

“Në Podgoricë dhe Shkup, i dërguari i posaçëm Robin do të takohet me zyrtarët qeveritarë për të forcuar mbështetjen për nismat kundër dezinformimit. Ai do të diskutojë përpjekjet e Rusisë, Republikës Popullore të Kinës dhe aktorëve të tjerë keqdashës që përdorin dezinformata për të minuar demokracinë dhe sigurinë kombëtare në mbarë globin, dhe se si kombet tona mund t’i kundërshtojnë së bashku kërcënimet në hapësirën e informacionet”, thuhet në deklaratën e Departamentit të Shtetit.

Gjatë qëndrimit në Tiranë, Rubin do të marrë pjesë në takim me ambasadorët amerikanë nga Ballkani Perëndimor.

Rubin është emëruar në këtë detyrë në dhjetor të vitit të kaluar nga sekretari i Shtetit, Anthony Blinken.

Shija e redaktorit

Presidenti kroat pritet ta vizitojë Kosovën në fillim të dhjetorit

Presidenti i Kroacisë, Zoran Milanoviq, pritet ta vizitojë Kosovën në fillim të muajit dhjetor të këtij viti. Kështu ka mësuar Dukagjini nga burimet e veta...

Nufi: Shqipëria do ta mbrojë Kosovën, asnjë qeveri në Tiranë...

Ministri i Mbrojtjes i Shqipërisë, Ermal Nufi, ka deklaruar se angazhimi i Shqipërisë për mbrojtjen e Kosovës është i pakushtëzuar, duke theksuar se asnjë...

Përkujtohet ditëlindja e heroit të Kosovës, Zahir Pajaziti

Sot shënohet 64-vjetori i lindjes së komandantit të Ushtrisë Çlirimtare të Kosovës dhe heroit të Kosovës, Zahir Pajaziti. Ai u lind më 1 nëntor 1962...

Të fundit nga rubrika