Javën e ardhshme pritet të bëhet ekzekutimi i 100 eurove për sektorin privat

Mbi 300 mijë punëtorë kanë aplikuar për mbështetje financiare prej 100 eurosh, ndërsa gjatë javës së ardhshme pritet të bëhet shqyrtimi i aplikimeve dhe ekzekutimi i mjeteve. E premtja e 20 majit është afati i fundit për të aplikuar për mbështetje për punëtorët e sektorit privat

Ministria e Financave ka njoftuar se mbi 300 mijë punëtorë kanë aplikuar për mbështetje financiare prej 100 eurosh, ndërsa njofton se gjatë javës së ardhshme pritet të bëhet shqyrtimi i aplikimeve dhe ekzekutimi i mjeteve.

Në njoftim të ministrisë thuhet se të premten është afati i fundit për të aplikuar për mbështetje për punëtorët e sektorit privat.

“Ministria e Financave, Punës dhe Transfereve njofton qytetarët se sot është afati i fundit për të aplikuar për mbështetje për punëtorët që nuk marrin pagë nga buxheti i shtetit”.

”Aktualisht, mbi 300 mijë punëtorë kanë aplikuar për mbështetje financiare prej 100 eurosh. Gjithashtu, vlen të theksohet se MFPT tashmë ka themeluar Komisionin Zbatues për vlerësimin e aplikacioneve dhe gjatë javës së ardhshme pritet të bëhet shqyrtimi i tyre dhe ekzekutimi i mjeteve”, thuhet në njoftim.

Më 12 prill, kryeministri Albin Kurti ka njoftuar se për muajin prill, pensionistëve, punëtorëve të sektorit privat e publik dhe studentëve do t’iu ndahen nga 100 euro si masë lehtësuese.

Sipas Kurtit, vlera totale për këtë ndihmë do të jetë rreth 100 milionë euro.

Shija e redaktorit

Rama takohet me udhëheqësit e Katarit, i fton ata për...

Kryetari i Prishtinës, Përparim Rama ka njoftuar se së bashku me Presidenten e vendit, Vjosa Osmani është duke qëndruar në Katar për një vizitë...

Osmani uron Suedinë pasi iu hap rruga për anëtarësim në...

Presidentja e Kosovës, Vjosa Osmani, ka uruar Suedinë pasi asaj iu hap rruga për anëtarësim në NATO, meqë Hungaria miratoi të hënën kandidaturën e...

Osmani takohet me emirin e Katarit, flasin për trajtimin e...

Presidentja e Kosovës, Vjosa Osmani, është pritur në takim nga emiri i Katarit, Sheikh Tamim Bin Hamad Al Thani, me të cilin ka biseduar...

Të fundit nga rubrika