“Jemi jashtëzakonisht të zhgënjyer”, Qerkini: Gruaja ime çdo natë thërret “erdh djali”

"Edhe 132 fëmijë janë të pagjetur. Ka shumë nana që nuk flejnë, edhe gruaja jem bërtet çdo natë, erdh djali. Unë them që çdo gjë e dinë, por nuk po punojnë"

Bajram Qerkini

Kryetari i shoqatës “Zëri i Prindërve”, Bajram Qerkini, tha se familjarët e personave të pagjetur janë jashtëzakonisht të zhgënjyer me mospunën e institucioneve. Madje, sipas tij, nuk po punohet as sa dihet e duhet nga personat përgjegjës.

Ai tha se, për shkak të mosgjetjes së fëmijëve të tyre, shumë nëna as gjumë nuk bëjnë, duke shtuar se edhe gruaja e tij thërret çdo natë “erdh djali”. Foli edhe për një bisedë që pati me kryeministrin Albin Kurti, të cilit i kishte kërkuar më shumë punë, por ai i kishte thënë se po punon sa po mundet.

“Ne si familjarë jemi jashtëzakonisht të zhgënjyer, nuk është punuar ajo që është dashur dhe është ditur të punohet. Nuk ka send që nuk dihet, thotë se nuk ka të dhëna, por do punë dhe angazhim për zbardhjen e fatit të 1 600 personave. Prej Marinës deri në Bllacë kemi varreza, ka nis me u zbardhur çështja e të pagjeturve”, ka thënë Qerkini shkruan EO.

“Edhe 132 fëmijë janë të pagjetur. Ka shumë nana që nuk flejnë, edhe gruaja jem bërtet çdo natë, erdh djali. Unë them që çdo gjë e dinë, por nuk po punojnë. Ju kisha lut mos na harroni neve familjarëve. Ende qe dy vjet nuk e kanë realizuar një bisedë, i thashë mos me thuaj pse po më kritikon, më tha sa di e bëj, i thash jo ti di shumë”.

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika