Jeni ra në 147.66 kundrejt dollarit amerikan përpara se të rifitonte terren, shkruan BBC.

Ministri japonez i financave Shunichi Suzuki tha se qeveria do të marrë “veprimet e duhura” kundër paqëndrueshmërisë së monedhës.

Në një lëvizje të rrallë muajin e kaluar, Japonia shpenzoi pothuajse 20 miliardë dollarë për të mbështetur monedhën në vështirësi të vendit.

Monedha japoneze është vënë nën presion në rritje muajt e fundit, kryesisht për shkak të qasjes të ndryshme të Bankës së Japonisë në krahasim me Rezervën Federale të SHBA.

Të enjten, shifrat zyrtare treguan se çmimet e konsumit në SHBA u rritën më shumë se sa pritej muajin e kaluar, në shenjë se lufta e inflacionit në ekonominë më të madhe në botë nuk ka mbaruar.

Inflacioni, norma me të cilën rriten çmimet, ishte 8.2% në 12 muaj deri në shtator, më pak se në muajin gusht 8.3%.

Japanese Yen

Rritja e çmimeve të konsumit në SHBA po shikohet nga afër ndërsa përpjekjet e Rezervës Federale për të frenuar inflacionin rrisin vlerën e dollarit si dhe kostot globale të huamarrjes.

Banka Qendrore e Amerikës ka rritur në mënyrë agresive normat e saj të interesit për të luftuar çmimet në rritje, gjë që e ka bërë dollarin më tërheqës për investitorët.

Ndërsa Banka e Japonisë i mbajti normat e interesit shumë më të ulëta.

Forca e dollarit në tregjet financiare globale po ndikon edhe në monedhat e tjera kryesore në mbarë botën, duke përfshirë paundin dhe euron.