Drejtori i Përgjithshëm i Burgjeve në Shqipëri, Admir Abrija, ka dhënë dorëheqjen.
Dorëheqja e Admir Abriajt nga posti i drejtorit të Burgjeve është komunikuar para disa ditësh.
Dorëheqja pritet të kalojë në mbledhjen e qeverisë, ndërsa akoma nuk bëhen të ditura motivet e këtij vendimi dhe se kush pritet ta zëvendësojë atë.
Abrija mori drejtimin e burgjeve me propozim të ministrit të Drejtësisë, Ulsi Manja, më dhjetor të vitit 2021, pas lirimit nga detyra të Agim Ismailit, raporton NOA.
Dorëheqja e tij vjen disa javë pas ngjarjes së ndodhur në burgun e sigurisë së lartë në Peqin, ku Sokol Mjacaj vrau me armë zjarri Arben Lleshin.