Sekretari britanik i Mbrojtjes, John Healey, ka dhënë dorëheqje nga posti i tij, duke e lidhur vendimin me mosmarrëveshjet brenda Qeverisë së Mbretërisë së Bashkuar për rritjen e shpenzimeve të mbrojtjes.
Në letrën e dorëheqjes drejtuar kryeministrit Keir Starmer, Healey ka kritikuar Ministrinë e Financave, të udhëhequr nga Rachel Reeves, duke thënë se ajo ka qenë “e pavullnetshme” për të siguruar fondet e nevojshme për investimet në mbrojtje.
Sipas tij, “epoka e re për mbrojtjen” kërkon investime shtesë përmes një plani të posaçëm, por që nga janari, Qeveria nuk ka arritur të sigurojë burimet e nevojshme përballë “kërcënimeve në rritje”, raporton The Guardian.
Healey ka thënë se kryeministri Starmer dhe Ministria e Financave nuk kanë arritur të përmbushin kërkesat për financim, duke lënë të nënkuptohet se vendimmarrja ka qenë e dobët përballë presioneve të brendshme politike.