Kryetari i Komunës së Junikut, Ruzhdi Shehu, ka shkruar në Facebook se Komuna e Junikut më 27 korrik të vitit 2022 është bërë zyrtarisht anëtare e organizatës ndërkombëtare “Rrjeti i Qyteteve të Forta” respektivisht “Strong Cities Network”, ndërsa ka pranuar edhe certifikatën e anëtarësimit.
Shehu ka thënë se anëtarësimi në këtë organizatë nënkupton një sukses të jashtëzakonshëm në kuptim të rritjes së potencialit dhe mundësive për bashkëpunim me qytetet e tjera anëtare në fushën e arsimit, ekonomisë, turizmit, sundimit të ligjit, qeverisjes së mirë, përfshirjes së rinisë në vendimmarrje dhe shumë fusha të tjera.
“Komuna e Junikut tani edhe zyrtarisht është anëtarësuar në organizatën ndërkombëtare ‘Rrjeti i Qyteteve të Forta’ respektivisht ‘Strong Cities Network’, me ç’rast është pranuar edhe certifikata e anëtarësimit” ka shkruar Shehu.
Ndërkohë, ai ka përfunduar duke thënë se anëtarësimi i Komunës së Junikut në këtë organizatën është suksesi i madhe për të, pasi rrit mundësin dhe potencialin për qytetarët e kësaj Komune.
Për këtë ka shkruar edhe organizata, e cila ka thënë “Jemi të kënaqur të mirëpresim Komunën e Junikut në ‘Rrjetin e Qyteteve të Forta’”.