Juristi krahason lejimin e shamisë në shkolla mes Kosovës dhe Gjermanisë

I ftuar në “FIVE” të RTV Dukagjini, Durim Berisha ka thënë se udhëzimi administrativ i krijuar para 12 vitesh e konsideron bartjes e mbulesës si shkelje e kodit të etikës dhe disiplinës. Përgjatë kësaj, ai ka krahasuar vendet e tjera dhe kushtet që ato mundësojnë në këtë drejtim

Juristi, Durim Berisha ka krahasuar udhëzimin administrativë të Republikës së Kosovës që e ndalon shaminë nëpër shkolla me atë të Gjermanisë.

I ftuar në “FIVE” të RTV Dukagjini, Berisha ka thënë se udhëzimi administrativ i krijuar para 12 vitesh e konsideron bartjes e mbulesës, të cilës i referohet sikurse “uniformë fetare”, si shkelje e kodit të etikës dhe disiplinës. Njëherësh, sipas tij, e barazon me narkomaninë.

Ai e ka krahasuar këtë udhëzim me mënyrën e zbatimit të tij në Gjermani.

“Përpos që lejohet në Gjermani, ekziston edhe një vendim i Gjykatës Kushtetuse në lidhje me shtetin për të modeluar veshje në kuadër të ed.fizike ku mësohet noti. Për dallim që te na nuk kem as ujë me pi, atje mësimi i notit është çështje e rëndësishme”, ka thënë Berisha.

E para e arsimit në Kosovë, Arbërie Nagavci ka folur për udhëzimin administrativë që e ndalon shaminë nëpër shkolla.

Nagavci ka thënë se, e drejta e shkollimit është e drejtë me Kushtetutë edhe nuk mund t’i mohet asnjë fëmije.

E pyetur sërish për të dhënë një përgjigje definitive se a duhet të pranohen nxënëset me shami në shkolla, apo jo, Ministrja Nagavci sërish nuk ka dhënë përgjigje të qartë, duke thënë se “ka rregullore edhe ligje që rregullojnë këtë çështje dhe se ato janë në fuqi, dhe fëmijët duhet të shkojnë në shkollë dhe problemi për mua është pse diskutimi bëhet për vajza dhe veshjen e vajzave”.

Nagavci: Ka rregullore që rregullojnë çështjen e shamisë

Ndërkaq, myftiu i Kosovës, Naim Tërnava në emër të Bashkësi Islame në Kosovë(BIK) ka thënë se duhet të shfuqizohet Udhëzimi  Administrativ, që i ndalon vajzat me shami  nga shkollimi.

Tutje ai këtë Udhëzimi e ka cilësuar si diskriminues dhe ka kërkuar që hiqet po ashtu ka thënë se “nuk duhet politizuar e as polarizuar, por duhet trajtuar me përgjegjësi e korrektësi maksimale”.

A është duke u trajtuar kërkesa për ndryshimin e Udhëzimit Administrativ që i ndalon vajzat me shami nga shkolla?

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika