Ka ndërruar jetë vëllai i Nasim Haradinaj

Ka ndërruar jetë ish-luftëtari i UÇK-së, Agron Haradinaj, ka njoftuar kreu i AAK-së, Ramush Haradinaj

Kryetari i Aleancës për Ardhmërinë e Kosovës, Ramush Haradinaj, përmes një postimi në Facebook, ka njoftuar se ka ndërruar jetë ish-ushtari i UÇK-së, Agron Haradinaj.

Kreu i AAK-së ka theksuar se “Agroni një jetë të tërë ishte në shërbim të Atdheut, para lufte, në luftë e në paqe. Bashkë më të vëllain Nasimin, angazhimin për vendin e kishte trashëguar nga i ati Smajl Haradinaj”.

“Ai ishte i burgosuri politik më i ri në moshë në Jugosllavinë e atëhershme, ndërsa u shqua si njëri ndër luftëtarët më të zotë të Ushtrisë Çlirimtare. Ai kishte kohë që vuante nga një sëmundje e rëndë e shkaktuar nga presioni i eksplodimit të një rakete të hedhur nga aeroplanët e ushtrisë serbe në bombardimet në fshatin Prilep të Deçanit”, ka shkruar ndër të tjera, Haradinaj.

Vlen të theksohet se Agron Haradinaj, ishte vëllai i Nasim Haradinaj, i cili është i dënuar nga Gjykata Speciale me 4 vjet e tre muaj burgim dhe po mbahet në Hagë.

Mbetet të shihet nëse Gjykata Speciale do t’ia lejojë ardhjen në Kosovë.

Shija e redaktorit

Presidenti kroat pritet ta vizitojë Kosovën në fillim të dhjetorit

Presidenti i Kroacisë, Zoran Milanoviq, pritet ta vizitojë Kosovën në fillim të muajit dhjetor të këtij viti. Kështu ka mësuar Dukagjini nga burimet e veta...

Nufi: Shqipëria do ta mbrojë Kosovën, asnjë qeveri në Tiranë...

Ministri i Mbrojtjes i Shqipërisë, Ermal Nufi, ka deklaruar se angazhimi i Shqipërisë për mbrojtjen e Kosovës është i pakushtëzuar, duke theksuar se asnjë...

Përkujtohet ditëlindja e heroit të Kosovës, Zahir Pajaziti

Sot shënohet 64-vjetori i lindjes së komandantit të Ushtrisë Çlirimtare të Kosovës dhe heroit të Kosovës, Zahir Pajaziti. Ai u lind më 1 nëntor 1962...

Të fundit nga rubrika