Kandidati për deputet nga Lidhja Demokratike e Kosovës (LDK), Festim Kabashi, ka kritikuar kryeministrin në detyrë Albin Kurti, duke e akuzuar për keqpërdorim të një të miture në një tubim elektoral.
Në një postim në Facebook, Kabashi ka thënë se ekziston dallim mes zhvillimit të fushatës dhe, siç e ka quajtur ai, keqpërdorimit të saj.
Ai ka theksuar se fëmijët nuk duhet të përfshihen në aktivitetet politike dhe ka përmendur 1 qershorin, Ditën Ndërkombëtare të Fëmijëve, duke kritikuar pjesëmarrjen e një vajze të mitur në një aktivitet elektoral.
Kabashi ka thënë se një veprim i tillë përbën keqpërdorim dhe ka akuzuar kryeministrin se, sipas tij, veprimet e tij lidhen vetëm me interesin për pushtet.
“Albin edhe fushata që thotë populli e ka një marifet. Sot fëmijët e festojnë 1 qershorin me ëndrrat e tyre të çiltra. E tri Albin çka thu për 1 qershor. Kur mbrëmë rrishe ashtu indiferente e besa edhe e shijoshe një keqpërdorim të një vajze të mitur në skenë e knej po vazhdon me fol si po kujdesesh me disa shtesa… Ky është keqpërdorim Albin…, krejt çka po të intereson është pushteti…”, ka deklaruar ai.