Festim Kabashi ka uruar të gjithë qytetarët e besimit islam me rastin e Festës së Kurban Bajramit, duke përcjellë mesazh shprese, besimi dhe solidariteti.
Kabashi tha se kjo festë duhet të shërbejë si kujtesë se edhe në kohë të vështira, njerëzit gjithmonë gjejnë forcë për të ecur përpara.
“Le të jetë kjo festë një kujtesë që, edhe në kohë të vështira, njerëzit e mirë gjithmonë gjejnë arsye me besu, me punu dhe me ecë përpara”, ka thënë ai.
Ai uroi që Bajrami të sjellë qetësi në familje, energji për sfida të reja dhe më shumë shpresë për ditë më të mira për të gjithë qytetarët.
“Uroj që Bajrami t’ju sjellë qetësi në familje, energji për sfida të reja dhe më shumë shpresë për ditë më të mira për secilin prej nesh. Gëzuar Festën e Bajramit!”, thuhet në urimin e Festim Kabashit.