Deputetja e Aleancës për Ardhmërinë e Kosovës, Time Kadrijaj, është deklaruar pas takimit të liderëve të partive politike të thirrur nga kryeministri në detyrë, Albin Kurti. Kadrijaj ka akuzuar Lëvizjen Vetëvendosje se po përpiqet të shtrembërojë interpretimin e vendimit të Gjykatës Kushtetuese dhe se nuk po tregon vullnet për respektimin e tij në praktikë.
“Në interpretimin e Gjykatës Kushtetuese janë munduar të shtrembërojnë plot pika dhe të mos pranojnë asgjë,” deklaroi Kadrijaj. Ajo shtoi se AAK ka kërkuar që nesër të mos vazhdohet me të njëjtat procedura, por sipas saj VV po paralajmëron që do të mbetet në të njëjtat praktika, duke shkelur Kushtetutën qëllimshëm. “Të kthehet çështja e votimit në votim të hapur,” theksoi Kadrijaj.