Bujar Kadriu nga Forumi Kosovar i Aftësive të Kufizuara, i ftuar në emisionin “FIVE” në RTV Dukagjini ka shprehur keqardhje që në Kosovë është duke ndodhur fenomeni që abuzohet ndaj fëmijëve.
Për rastin e logopedit që ka abuzuar me një tre vjeçare qe kishte autizëm, Kadriu ka thënë se për këtë ngjarje duhet shqetësuar sepse institucionet dhe shoqëria kosovare duhet të vetëdijesohen.
“Abuzimi i fëmijëve është padyshim vepër penale dhe ngjarje e vështirë dhe kjo ngjarje duhet te shërbej për profesionistët e fushës”, ka thënë Kadriu.
Kadriu ka theksuar se ka dyshime që logopedi Fazliu ka abuzuar dhe ndaj fëmijëve të tjerë dhe ka potencuar se kanë kërkuar nga Prokuroria e Shtetit, që t’i pyesin dhe prindërit e tjerë që kanë dërguar fëmijët e tyre në këtë qendër nëse “profesionistët” kanë abuzuar dhe me fëmijët e tjerë.
“Instutucionet e Kosovës duhet t’i monitorojnë shërbimet logopedike dhe shërbimet tjera që lidhen me fëmijët me aftësi të kufizuara dhe në asnjë moment të mos i ipet mundësia që këta fëmijë të abuzohen”, ka shtuar Kadriu.
Të dielën e 27 nëntorit ësshtë raportuarr se logopedi, Iljasa Fazliu nga Gjilani, ka abuzuar psiqikisht në ordinancën e tij një fëmijë 3-vjeçar me autizëm dhe i njëjti nuk ka licencë të logopedit nga Oda e Infermierëve.