Kajtazi: Ka shumë anomali në procedurat e Prokurorisë për “Veteranët”

Analisti Vehbi Kajtazi, për rastin "Veteranët" ka thënë nuk duhet të lihet pezull një proces për shkak të procedurave gjyqësore dhe anomalive në punën e prokurorisë

Të martën, më 26 prill, Gjykata e Apelit e ka kthyer në rigjykim rastin e njohur si “Veteranët”, ku për keqpërdorim të detyrës zyrtare akuzohen ish-kryeministri Agim Çeku, ish-ministri i Mbrojtjes, Rrustem Berisha, ish-deputeti Shkumbin Demalijaj, Nuredin Lushtaku, Sadik Halitjaha, Qelë Gashi, Shukri Buja, Ahmet Daku, Faik Fazliu, Smajl Elezaj, Fadil Shurdhaj dhe Xhavit Jashari.

Lajmi u bë i ditur përmes një komunikate për medie nga Gjykata e Apelit.

Vehbi Kajtazi, analist në emisionin “Debat Plus” të Dukagjinit, ka thënë se është shumë normale të kthehet një proces gjyqësor në pikën zero si proces, por jo të lihet pezull një proces për shkak të procedurave gjyqësore dhe anomalive në punën e prokurorisë.

“Shumë anomali ka pasur në punën e prokurorisë, ku përmenden 20 mijë veteranë të rrejshëm të gjithë të identifikuar me emër e mbiemër, me të dhëna personale, ku 10 prej tyre kanë reaguar që janë të vërtetë, prokuroria paska gabuar për 1000 persona por nuk ka mundur të gabojë me të gjithë ata që i ka futur në atë listë”, ka thënë ai.

Ai ka thënë se këto anomali i sjellin pasoja edhe buxhetit të Kosovës.

“Nëse një person është gabim në këtë listë dhe ka reaguar që është i vërtetë, duhet që prokuroria të ndërhyjë dhe ta mos e lërë pezull këtë proces, sepse dëmi material që i shkaktohet buxhetit të Kosovës është i madh”, ka shtuar ai.

Sipas tij, një fëmijë i lindur në vitin 1999, në kohë të luftës, nuk mund të jetë veteran, kjo është bërë me qëllim të përfitimit politik e financiar.

“Duhet të gjenden përfituesit nga kjo listë , ata që e kanë bërë për elektorat dhe vota, prandaj prokuroria duhet të ketë parasysh këto kur të bëhet ndonjë aktakuzë për këtë proces”, ka theksuar Kajtazi.

Shija e redaktorit

Presidentja Osmani nderohet me Çmimin e Evropës nga Fondacioni Pan-Europian

Fondacioni Fondacioni Pan-Evropian Richard Coudenhove-Kalergi i ka ndarë Presidentes së Kosovës Vjosa Osmani, çmimin e ‘Evropës’, për përkushtimin e saj ndaj raporteve me partnerët...

Nis ceremonia e diplomimit të gjeneratës së 59-të të Policisë...

Ka filluar ceremonia e diplomimit të gjeneratës së 59-të të Policisë së Kosovës. Sot diplomojnë 445 kadetë të Policisë së Kosovës. Kryeministri i Republikës së Kosovës,...

Policia konfirmon arrestimin e Akil Gjakovës

Policia e Kosovës, ka arrestuar xhudistin Akil Gjakova, si të dyshuar për veprën penale dhunë në familje. Lajmin për Portalin Dukagjini e ka konfirmuar zëdhënësi...

Të fundit nga rubrika