Kajtazi për punësimet në KEK: Afera e KEK-ut e ka kaluar edhe atë të Pronto-s

Gazetari Vehbi Kajtazi, lidhur me punësimet e reja në konkursin e Korporatës Elektroenergjetike të Kosovës (KEK), ka deklaruar se kjo aferë në KEK e ka kaluar edhe aferën “Pronto”.

Sipas tij, bëhet fjalë për numër shumëfish më të lartë se sa në aferat e tjera.

“Nga përmasat e kësaj që ka ndodhur në KEK tejkalon secilën aferë punësimesh që ka ndodhur në Kosovë, e kalon edhe Pronton. Në rastin Pronto flitet për diku 20-25 persona që janë rehatuar në borde të ndryshme, në disa ndërmarrje si Hidro Drini, InfraKosi, ndërmarrja e ujësjellësit të Gjilanit, e të tjera. Përmasat e kësaj që ka ndodhur nuk ka ndodhur asnjëherë”, ka thënë Kajtazi.

Ai në emisionin Debat Plus në RTV Dukagjini, ka thënë se Lëvizja Vetëvendosje me sloganin “Krejt dhe Drejt”, po nënkuptohet rehatimi i të gjithë njerëzve e militantëve në institucione.

“Këta, ‘Krejt dhe Drejt’ me gjasë ‘krejt’ e ka nënkuptuar, krejt njerëzit e vet m’i fut nëpër institucione”, ka shtuar Kajtazi.

Gazetari Vehbi Kajtazi

Po ashtu, Kajtazi ka potencuar se janë të punësuar 128 persona që, sipas tij, thuajse të gjithë janë njerëz të VV-së.

“Ky është thelbi i asaj që ka ndodhur në KEK. Kemi arritur t’i faktojmë me emra e mbiemra, me lidhje familjare, se si njerëzit që janë drejtues në KEK, filimisht, janë kujdesur t’i marrin nga një, dy apo tre familjarë në këtë konkurs. Janë njerëz të VV-së”, ka thënë ai.

Ndryshe, kryeministri i Kosovës, Albin Kurti, i ka mohuar në mënyrë kategorike raportimet se të punësuarit e fundit në KEK kanë lidhje familjare apo janë militantë të LVV-së.

Krzeministri i Kosovës, Albin Kurti

“Nuk ka punësim të militantëve, ka komisione të cilët bëjnë një vlerësim pasi që ka teste edhe me shkrim edhe intervistim dhe, gjithashtu, ka edhe të drejtë ankese, nëse ka pasur ndonjë parregullsi apo padrejtësi, ankesa dhe shqyrtimi do ta rregullojë”, ka thënë Kurti.

Ndryshe, Prokuroria Themelore në Prishtinë, përmes një komunikate për media ka konfirmuar se pas raportimeve, kanë filluar hetimet në lidhje me punësimet e reja në konkursin e KEK-ut.

Shija e redaktorit

KB Prishtina bëhet pjesë e garës më të re të...

Kryetari i Klubit të Basketbollit Prishtina, Blerand Stavileci ka bërë të ditur se klubi i tij ka marrë ftesën për pjesëmarrje në garën më...

DokuFesti me turistët e huaj, infuzion për ekonominë e Prizrenit

Dhjetëra e mijëra vizitorë vendorë e ndërkombëtarë kanë shkelur rrugëve të qytetit të Prizrenit gjatë javës së fundit. Shkaku i këtij fluksi turistësh në kryeqytetin historik...

“You have no idea”, paradoksi i jetës së përditshme

Si të shprehim diçka që s’mund të thuhet? Si ta artikulojmë të paartikulueshmen? Si ta mendojmë të pamendueshmen? "You have no idea" (Ju s'e...

Më të lexuarat

Video ekskluzive nga incidenti në Pejë

Një zënkë verbale në mes të pronarëve të dy dyqaneve në qytetin e Pejës, ka dërguar deri te përdorimi i armës së zjarrit. Sipas burimeve...

Babai i Marigona Osmanit: Në qoftë se Marigona do të...

Në Shëngjin kishin qëndruar rreth 3-4 orë, në një bisedë me Dardanin, babait të Marigona Osmanit i ishte dukur si njeri i qetë. Për...

Babai i Marigona Osmanit: Nëna e Krivaqës më thoshte kam...

Muhabi Osmani - babai i të ndjerës, Marigona Osmani, e ka përshkruar këtë të fundit si një vajzë të qetë, të urtë e të...

Të fundit nga rubrika