Përfaqësuesja e Lartë e Bashkimit Evropian për Politikë të Jashtme dhe Siguri, Kaja Kallas, ka theksuar pritjet e Bashkimit Evropian për përparim në procesin e dialogut ndërmjet Kosovës dhe Serbisë.
Para nisjes së Samitit të Komunitetit Politik Evropian në Tiranë, Kallas deklaroi se BE-ja pret që të ndodhë një normalizim i marrëdhënieve mes dy vendeve.
“Pak më parë kemi emëruar përfaqësuesit e ri për dialogun Kosovë-Serbi, presim normalizim të marrëdhënieve, sigurisht”, u shpreh ajo.
Në fjalën e saj, Kallas komentoi gjithashtu progresin e Shqipërisë drejt Bashkimit Evropian, duke e vlerësuar pozitivisht rrugën e reformave që po ndërmerr vendi. Ajo theksoi se zgjerimi i BE-së duhet të ndodhë dhe se Shqipëria po tregon përkushtim në përmbushjen e kushteve.
“Mendoj se Shqipëria po bën një progres të shkëlqyer kur vjen fjala për reforma. Ato që janë të nevojshme. E po kështu dhe për ne është… duhet bërë reformat për ligjin, perspektivën, e kështu me radhë, por ka një moment politik që të gjithë duan që procesi i zgjerimit të ndodhë”, ka thënë Kallas.
Sa i përket konfliktit në Ukrainë, Kallas theksoi rëndësinë e unitetit ndërkombëtar për të ndërprerë burimet që e ushqejnë luftën dhe vlerësoi përpjekjet për paqe që po zhvillohen në Turqi, ku përfshihet edhe Shtetet e Bashkuara të Amerikës.
“Në këtë drejtim duhet të jemi të gjithë të bashkuar, sepse shohim qartësisht që Rusia nuk do paqe.
Mendoj që është një propozim shumë i mirë (bisedimet e paqes në Turqi), sigurisht që ka procedura të tjera është e rëndësishme si mesazh, që amerikanët janë sepse për t’u ushtruar trysni Rusisë, kemi dhe ne mjete, kanë dhe amerikanet mjete”, ka shtuar kryediplomatja evropiane.