Kamberi bëhet deputet, Shqiprim Arifi e akuzon Kurtin se e përçau Luginën

Numërimi i votave për zgjedhjet nacionale në Serbi po shkon drejt fundit, ndërsa është konfirmuar që Shaip Kamberi do të jetë edhe për një mandat deputet në Kuvendin e Serbisë. Shqiprim Arifi, partneri i koalicionit tjetër i cili dështoi që Visar Memetin ta bëjë deputet, e akuzon Kamberin për shumë çështje e krahas tij edhe kryeministrin e Kosovës, Albin Kurtin, për përçarje të shqiptarëve në Luginën e Preshevës

Kur janë numëruar rreth 96% e votave, një gjë është e sigurt, Shaip Kamberi edhe për një mandat do të përfaqësojë shqiptarët në Parlamentin e Serbisë.

Koalicioni “Beteja Politike e Shqiptarëve Vazhdon”, ka marrë 13.456 vota, apo 0.37%.

Në orët e mbrëmjes Kamberi me partnerët e koalicionit dhe partisë fitoren e kanë festuar në sheshin e Bujanocit duke thënë se votuesit treguan se Lugina e Preshevës do bashkëpunim me Kosovën dhe jo konfrontim.

“Gjithkush që ka mendu që këtu me e mbjellë farën e konfliktin politik me Kosovësn sot e ka marrë përgjigjen e duhur. Më mirë se voti askush nuk e jep”, tha Shaip Kamberi, deputet në Kuvendin e Serbisë.

Kamberi e ka fjalën për qëndrimet e kryetarit të Preshevës, Shqiprim Arifit, i cili po vazhdon prap me të njëjtën qasje. Përmes një shkrimi në rrjete sociale, Arifi e ka akuzuar Kamberin dhe partnerët e tij për keqpërdorime dhe keqpërfaqësim, pa e kursyer as Kryeministrin e Kosovës.

“…Injorimi dhe neglizhimi i takimeve dhe bisedimeve me krerët e shtetit amë – Shqipërisë, është një përgjegjësi morale e kombëtare të cilën do ta bartin përgjatë historisë edhe Shaip Kamberi, edhe Albin Kurti. Marrëdhëniet e Kurtit me udhëheqësit e Shqipërisë, i’u imponuan sot edhe popullit të Preshevës. Për këtë momentum politik, do të mbajnë përgjegjësi gjithë lidershipi shqiptarë në Luginë të Preshevës…”, tha Shqiprim Arifi, kryetar i Luginës së Preshevës.

Kandidati i koalicionit të tij për deputet, Visar Memeti ka fituar vetëm 3172 vota, të pamjaftueshme për ulësen e deputetit.

Edhe Memeti edhe Arifi kanë qëndrimë të njëjta për Kurtin gjë e cila sipas gazetarit nga Bujanoci, Driton Hysenit, iu ka kushtuar me rezultat në zgjedhjet nacionale.

“Për shkak të bindjeve të tyre edhe shqërfaqjes së mendimeve, karshi Qeverisë së Kosovës besoj. Dhe kjo e ka dëmtuar në rezultate, unë besoj që ndikimi i Qeverisë së Kosovës në këtë rast për të sjellë qytetarët për të votuar në Luginë të Preshevës me autobusë, organizimi i koumanve besoj që ka ndikuar shumë”, tha gazetari, Driton Hyseni.

Përçarjen e shqiptarëve në Luginë, Hyseni e lidh me numrin e madh të partive shqiptare atje, e nise në këtë pjesë kryeministri Kurti ka shumë pak.

Ndërkaq sipas rezultateve preliminare, “Partia Demokratike” e vetmja shqiptare në komunën e Medvegjës ka siguruar 2 këshilltarë komunalë.

Shija e redaktorit

Spanja kampione e Evropës për herë të katërt

Ka mbaruar super ndeshja mes Spanjës dhe Anglisë në kuadër të finales së Kampionatit Evropian 2024. Pas një loje fantastike, Spanja ka përmbyllur ndeshjen me...

Spanja në finale, mposht Francën

Kombëtarja e Spanjës ka arritur kualifikimin në finale të Euro 2024, pasi mposhti me rezultat 2:1 kombëtaren e Francës në gjysmëfinale. Në pjesën e dytë...

Ballkani triumfon në ndeshjen e parë kualifikuese në Ligën e...

Ballkani ka fituar 2-1 ndaj Santa Coloman në 1/8 e fazës kualifikuese në Ligën e Kampionëve. Ndeshja nisi me një ritëm të qetë, por që...

Të fundit nga rubrika