Kamberi falënderon liderët e partive kosovare

Deputeti shqiptar në parlamentin e Serbisë(PS), Shaip Kamberi, nga Lugina e Preshevës, ka shprehur mirënjohje për përkrahjen që i kanë dhënë krerët  e shtetit të Kosovës

Shaip Kamberi, Deputeti shqiptar në Kuvendin e Serbisë

Të premten e 28 prillit përfaqësuesi i shqiptarëve në parlamentin e Serbisë, i ka falënderuar të gjithë njerëzit që e kanë mbështetur në zgjedhjet e fundit, me mesazhe urimi të cilat i kishin ardhur publikisht dhe privatisht nga Shqipëria, Kosova, Mali i zi, Maqedonia e Veriut dhe Mërgata.

Kamberi është treguar mirënjohës ndaj  Kryeministrit të Republikës së Kosovës, Albin Kurti.

“Shumë faleminderit Albin. Është nderim i veçantë që politika jonë e shprehur në parlamentin e Serbisë gëzon mbështetjen e hapur dhe të plotë nga Ju, si Kryetar i Qeverisë dhe si bartës i listës më të votuar në Republikën e Kosovës. Kjo përkrahje shpërfaq përkushtimin Tuaj dhe të Qeverisë që kryesoni për interesat e shqiptarëve të Luginës së Preshevës, të shtypur dhe të diskriminuar nga Republika e Serbisë”, ka shkruar ai në rrjetin social Facebook.

Albin Kurti kryetari i Lëvizjes Vetëvendosjes

Ndërsa ai nuk ka harruar që edhe ndaj opozitës të tregohet mirënjohës.

“Memli dhe Lumir, pos tjerash, përkrahja juaj e vlefshme nga opozita ishte jo vetëm treguese e pjekurisë suaj politike në dobi të një politike sa më cilësore lokale shqiptare, por edhe në shërbim të ndërtimit të unitetit të Republikës së Kosovës karshi Luginës së Preshevës” ka thënë Kamberi.

Memli Krasniqi Kryetari i Partisë Demokratike të Kosovës

Përfaqësuesi i shqiptareve në PS, ka vlerësuar se spektri politik i Kosovës është në konsensus të plotë për ushtrimin e një politike të denjë shqiptare në Luginën e Preshevës.

“Lugina e Preshevës do të bashkërendohet me Kosovën dhe Shqipërinë. Kjo është e drejtë demokratike. Kjo është praktikë evropiane. Kjo është nevojë kombëtare” ka thënë ai.

Lumir Abdixhiku kryetari i Lidhjes Demokratike të Kosovës

Kamberi, ka pohuar se si deputet nga Lugina është i gatshëm të bashkëpunoj edhe me të zgjedhurit tjerë nga Presheva për të mirën e shqiptareve.

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika