Lugina e Preshevës ishte mbrëmë pjesë e pandashme e festimeve për Ditën e Pavarësisë së Shqipërisë.
Deputeti shqiptar në Parlamentin e Serbisë, Shaip Kamberi, ka bërë të ditur se në Bujanoc u shënua 28 Nëntori me një manifestim të organizuar nga Ambasada e Republikës së Shqipërisë dhe Këshilli Kombëtar Shqiptar.
Në postimin e tij, Kamberi theksoi se ky nëntor ka qenë i veçantë për Luginën, falë mbështetjes së Qeverisë së Republikës së Shqipërisë dhe numrit të madh të aktiviteteve kulturore që janë zhvilluar gjatë muajit.
“Ishte Nëntor Lugine! Me plot organizime e aktivitete të llojllojshme për të gjitha sferat e shoqërisë sonë”, shkroi ai, duke përgëzuar Këshillin Kombëtar për angazhimin dhe duke falënderuar Ambasadën e Shqipërisë për prezencën e shtuar në rajon.