Analisti politik Belgzim Kamberi ka komentuar rezultatet e Exit Poll-it të UBO Consulting, të prezantuara ekskluzivisht në emisionin Debat Plus në TV Dukagjini, duke e cilësuar Uran Ismailin si fituesin moral të zgjedhjeve në Prishtinë, pavarësisht se gara pritet të shkojë në balotazh mes Përparim Ramës (LDK) dhe Hajrullah Çekut (LVV).
Sipas të dhënave të publikuara nga Exit Poll-i, Përparim Rama ka marrë 34.3 për qind të votave, Hajrullah Çeku 32.1 për qind, ndërsa kandidati i Partisë Demokratike të Kosovës (PDK), Uran Ismaili, ka siguruar një rezultat prej 28.9 për qind, më të lartin që kjo parti ka arritur ndonjëherë në kryeqytet.