Fred Kerley fitoi titullin e tij të parë individual në Kampionatin Botëror në garën e 100 metrave për meshkuj.

Më pak se një vjet pasi fitoi medaljen e argjendtë në Lojërat Olimpike të Tokios, Kerley shkëlqeu në finalen e 100 metrave për meshkuj në “Hayward Field” për të fituar kampionatin e tij të parë botëror.

27-vjeçari, i cili fitoi medaljen e argjendtë olimpike vitin e kaluar, fitoi në 9.86 sekonda, ndërsa Marvin Bracy mposhti Trayvon Bromell për të argjendtën.

Marvin Bracy mori medaljen e argjendtë në 9.88, duke mposhtur bashkatdhetarin Trayvon Bromell me vetëm milisekonda.

Është hera e parë që një komb ka fituar të tri medaljet në 100 metra në botë që nga Shtetet e Bashkuara në 1991.

“E di që sot më hapën shumë dyer”, tha Kerley. “E ardhmja është e ndritshme për mua”.

Marvin Bracy i SHBA-së, fituesi i medaljes së argjendtë, Fred Kerley i medaljes së artë nga SHBA dhe Trayvon Bromell i SHBA-së festojnë pas finales së 100 metrave për meshkuj gjatë Kampionatit Botëror të Atletikës

Kerley përfundoi në 9.86 sekonda, dy të qindtat më shumë se sa vrapoi në finalen në Tokio verën e kaluar.

.@fkerley99 is the fastest man in the world! @TeamUSA | #WorldAthleticsChamps pic.twitter.com/w8cNSITGgy

— NBC Olympics (@NBCOlympics) July 17, 2022