Njësiti policor ka ndaluar një furgon në Kllokot, me të cilin dyshohet se po transportoheshin 20 derra të vegjël pa dokumente përcjellëse.
Rasti ka ndodhur më 5 shtator 2026, rreth orës 09:15. Furgoni me targa vendore drejtohej nga një person mashkull, i cili gjatë kontrollit është hasur duke transportuar kafshët pa dokumentacionin e nevojshëm.
Në konsultim me prokurorin, është iniciuar lënda për rastin. I dyshuari, së bashku me automjetin dhe kafshët, është liruar.
Ndërkohë, me procedurat e mëtejshme lidhur me rastin janë marrë zyrtarët e Agjencisë së Ushqimit dhe Veterinarisë (AUV).