Policia e Kosovës ka ndaluar një shtetas të Maqedonisë së Veriut, i cili dyshohet se ka hyrë ilegalisht në territorin e Kosovës.
Sipas raportit 24-orësh të Policisë, rasti ka ndodhur më 5 gusht 2026, rreth orës 14:00, në Han të Elezit.
“Njësitë policore kufitare kanë ndaluar të dyshuarin, mashkull shtetas i Maqedonisë së Veriut, dhe gjatë legjitimimit është vërejtur se i njëjti kishte kaluar ilegalisht kufirin nga Maqedonia e Veriut në Republikën e Kosovës”, thuhet në njoftimin e Policisë.
Me konsultim të prokurorit të shtetit është iniciuar rasti për kalim ilegal të kufirit, ndërsa i dyshuari është deportuar në Maqedoninë e Veriut përmes pikës zyrtare të kalimit kufitar.