Katër persona plagosen rëndë nga goditja e rrufesë pranë Shtëpisë së Bardhë

Nga goditja e rrufesë pranë Shtëpisë së Bardhë, katër persona janë plagosur rëndë. Identiteti i të plagosurve ende nuk është konfirmuar, ndërsa një pjesë e parkut mbeti e mbyllur, me shërbimet e urgjencës në vendngjarje

Katër persona janë plagosur rëndë pasi u goditën nga rrufeja pranë Shtëpisë së Bardhë.

Përgjatë një stuhie të dhunshme, që të katërt, dy burra dhe dy gra ishin prezentë në parkun “Lafayette” në Uashington DC kur u goditën, bëjnë të ditur zyrtarët e zjarrfikësve.

Të parët që ndihmuan viktimat qenë anëtarët e shërbimit sekret, duke qenë se incidenti ndodhi afër selisë së presidencës amerikane, përkatësisht pranë një peme pranë gardhit që rrethon kompleksin e Shtëpisë së Bardhë.

Ndërkaq, identiteti i të plagosurve ende nuk është konfirmuar, transmeton “BBC“.

“Të katër vuanin nga lëndime kritike, të rrezikshme për jetën,” thanë DC Fire dhe EMS në një deklaratë. “Ne ishim në gjendje të trajtonim dhe transportonim shpejt të katër pacientët dhe ata u dërguan të gjithë në spitalet e zonës.”

Ndër të tjera, bëhet e ditur se një pjesë e parkut mbeti e mbyllur, me shërbimet e urgjencës në vendngjarje.

Shërbimi Kombëtar i Motit kishte lëshuar një paralajmërim për stuhi në këtë zonë mbrëmjen e së enjtes.

Sheshi “Lafayette” është një park publik prej shtatë hektarësh direkt në veri të Shtëpisë së Bardhë.

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika