Katër persona janë lënduar si pasojë e një aksidenti të ndodhur në rrugën Ferizaj-Shtërpcë, konkretisht, në fshatin Bajnicë të Kaçanikut.
Lajmin për Portalin Dukagjini e ka konfirmuar zëdhënësi i Policisë së Kosovës, Kanun Veseli.
Sipas tij, në aksident janë përfshirë dy vetura.
“Ju njoftojmë se sot rreth orës 17:05 në rrugën Ferizaj – Shtërpcë, në fsh. Bajnicë K. Kaçanikut ka ndodhur një aksident trafiku, ku janë përfshirë dy vetura. Veç dëmeve materiale lëndime trupore kanë pësuar 4 persona. Ekipe të policisë të Trafikut Rajonal dhe Emergjenca kanë dalë në vendin e ngjarjes”- ka deklaruar Veseli.
Veseli shtoi se personat e lënduar janë dërguar në Spitalin e Ferizajt.