Katër raste të vdekjes hetohen në disa qytete të Kosovës
Katër raste të vdekjes janë raportuar në Gjilan, Shtërpcë, Klinë dhe Mitrovicë, gjatë datave 14 dhe 15 shtator 2026. Në Klinë, më 14 shtator rreth orës 08:00, është raportuar një rast i një personi të zhdukur, i cili më pas është gjetur pa shenja jete. “Lidhur me rastin, në vendin e ngjarjes kanë dalë ekipi […]
Katër raste të vdekjes janë raportuar në Gjilan, Shtërpcë, Klinë dhe Mitrovicë, gjatë datave 14 dhe 15 shtator 2026.
Në Klinë, më 14 shtator rreth orës 08:00, është raportuar një rast i një personi të zhdukur, i cili më pas është gjetur pa shenja jete.
“Lidhur me rastin, në vendin e ngjarjes kanë dalë ekipi mjekësor të cilët kanë konstatuar se viktima mashkull shtetas i huaj, i cili ishte raportuar si person i zhdukur, është pa shenja jete. Me vendim të prokurorit trupi i pajetë është dërguar në IML për obduksion. Rasti në procedurë hetimore”, thuhet në raportin e Policisë.
Në Mitrovicë, më 15 shtator rreth orës 04:20, është raportuar një rast i vdekjes së dyshimtë.
“Lidhur me rastin në vendin e ngjarjes kanë dalë të gjitha njësitë përkatëse, ku me rekomandim të prokurorit trupi i pajetë i viktimës mashkull kosovar është dërguar në IML për obduksion”, thuhet në raport.
Ndërkaq, në Shtërpcë, më 15 shtator rreth orës 13:45, është konstatuar vdekja e një personi mashkull, shtetas kosovar.
“Lidhur me rastin, në vendin e ngjarjes kanë dalë të gjitha njësitë përkatëse, ku nga ekipi mjekësor është konstatuar se viktima mashkull kosovar është pa shenja jete. Me vendim të prokurorit trupi i pajetë është dërguar në IML për obduksion”, thuhet në raportin policor.
Në Gjilan, më 15 shtator rreth orës 21:20, është raportuar se një person mashkull, shtetas kosovar, është gjetur pa shenja jete në shtëpinë e tij.
“Vdekjen e viktimës e ka konstatuar mjeku kujdestar. Ndërsa me urdhër të prokurorit trupi i pajetë dërgohet për obduksion në IML-Prishtinë”, thuhet në raportin e Policisë.
Rastet janë duke u trajtuar dhe hetuar nga autoritetet përkatëse.















