Katër persona kanë mbetur të lënduar si pasojë e një aksidenti që ka ndodhur në autostradën “Arbën Xhaferi”, që lidh Ferizajn me Prishtinën.
Zëdhënësi i Policisë së Kosovës, Bajram Krasniqi, për Dukagjinin ka njoftuar se aksidenti ndodhi rreth orës 21:50 dhe përfshiu dy automjete.
“Rreth orës 21:50, policia është njoftuar për një aksident trafiku të ndodhur në autostradën ‘Arbër Xhaferi’ (Ferizaj-Prishtinë). Në aksident janë përfshirë dy vetura dhe si pasojë e aksidentit, katër persona kanë kërkuar ndihmë mjekësore. Njësia përkatëse policore është duke u marrë me aksidentin”, ka njoftuar Krasniqi.