Policia e Kosovës ka bërë të ditur se është duke hetuar katër vdekje që kanë ndodhur në 24-orët e kaluara në vend.
Sipas raportit 24-orësh të Policisë, rastet kanë ndodhur në Podujevë, ku një burrë është gjetur pa shenja jete, njofton Dukagjini.
“Podujevë / 05.05.2026 – 11:47. Është gjetur pa shenja jete viktima mashkull. Vdekjen e viktimës e ka konstatuar mjeku kujdestar në vendin e ngjarjes. Me vendim të prokurorit kujdestar, trupi i pajetë i viktimës është dërguar në IML për obduksion”, thuhet në raportin policor.
Një tjetër burrë është gjetur i vdekur në Mitrovicën e Jugut.
“Mitrovicë Jugu 05.05.2026 – NN. Është gjetur pa shenja jete viktima mashkull kosovar, vdekjen e të cilit e ka konstatuar mjeku kujdestar. Me urdhër të prokurorit trupi i pajetë është dërguar në IML për obduksion. Rasti duke u hetuar”, thuhet në raportin policor.
Një tjetër hetim mbi vdekjen po bëhet edhe në Leposaviq.
“Leposaviq / 05.05.2026 – 09:30. Është gjetur pa shenja jete në shtëpinë e tij viktima mashkull kosovar. Vdekjen e viktimës e ka konstatuar mjeku kujdestar. Me vendim të prokurorit trupi i pajetë është dërguar në IML për obduksion. Rasti po hetohet nga ekipet relevante”.
Teksa një rast tjetër është raportuar në Zveçan.
“Zveçan 05.05.2026 – 11:00. Pasi është raportuar për një person pa shenja jete në vendin e ngjarjes kanë dal njësitë përkatëse policore dhe ekipi mjekësor të cilët kanë konstatuar vdekjen e viktimës mashkull kosovar. Me urdhër të prokurorit trupi i pajetë është dërguar në IML për obduksion”, thuhet në raportin 24-orësh të Policisë.