Katër qytetarë deri më tani kanë votuar në fshatin Soqanicë të Leposaviqit, ku brenda një objekti komunal janë vendosur tri qendra votimi.

Kështu bën të ditur ekipi i RTV Dukagjinit i cili po qëndron në atë pjesë për të mbikëqyrur procesin e votimit.

Rreth dy mijë e 800 qytetarë kanë të drejtë vote në këtë pjesë por vetëm katër prej tyre e kanë shfrytëzuar këtë të drejtë.

Në këtë fshat ishte i pranishëm ministri i Administrimit të Pushtetit Lokal, Elbert Krasniqi, për të parë mbarëvajtjen e procesit deri më tani.