Nëntëmbëdhjetë nxënës dhe dy mësuese të vrarë në Teksas

Nga të shtënat në një shkollë të Teksasit u vranë nëntëmbëdhjetë nxënës dhe dy mësuese, ka bërë të ditur guvernatori Greg Abott

Guvernatori i Teksasit, Greg Abott e ka quajtur sulmin “të pakuptueshëm”, ku vdiqën 21 persona, në mesin e tyre edhe i dyshuari 18-vjeçar, i cili është vrarë nga policia.

Ky rast ka ndodhur në Uvalde, në jugperëndim të shtetit, ditën e martë të 24 majit.

Autori i armatosur nga Uvalde, ka qëlluar dhe ka vrarë në mënyrë të pakuptueshme 19 nxënës dhe dy mësuese, pastaj edhe 18-vjeçari u vra nga oficerët kundërpërgjegjës, ka thënë Abott.

Spitali përkujtimor në Uvalde ka bërë të ditur se janë pritur 13 fëmijë me ambulancë për trajtim. Ata kanë bërë të ditur se dy studentë vdiqën, ndërsa në një spital tjetër, në Spitalin Universitar, një grua 66-vjeçare ishte në gjendje të keqe.

Sekretari, Alejandro Mayorkas ishte informuar sipas një zëdhënësi të Departamentit të Sigurisë Kombëtate në Uashington, raporton theguardian.

“Doganat dhe Mbrojtja Kufitare e SHBA-së “u përgjigjën menjëherë në vendngjarje për të ofruar mbështetje, përfshirë ndihmën mjekësore. DHS po koordinon në mënyrë aktive me partnerët federalë, shtetërorë dhe lokalë dhe do të vazhdojë të ofrojë mbështetjen e plotë të departamentit,” ka thënë zëdhënësi.

“Prindërve u kërkohet të marrin studentët në oraret e rregullta të pushimit nga puna në kampusin e fëmijëve, sepse nuk do të ketë transport me autobus. Oficerët do të jenë në vend për të shoqëruar nxënësit te makinat e prindërve. Prindër, ju lutemi të jeni të durueshëm, pasi radhët do të jenë të gjata”, është bërë e ditur përmes një postimit në rrjetin social Facebook.

Ky sulm erdhi pas disa ditëve, kur në një supermarket u vranë rreth 10 persona në Buffalo të Nju Jork-ut.

Uvalde

Dhjetë persona të vrarë pas të shtënave në një supermarket në Buffalo, New York

Shija e redaktorit

Rama takohet me udhëheqësit e Katarit, i fton ata për...

Kryetari i Prishtinës, Përparim Rama ka njoftuar se së bashku me Presidenten e vendit, Vjosa Osmani është duke qëndruar në Katar për një vizitë...

Osmani uron Suedinë pasi iu hap rruga për anëtarësim në...

Presidentja e Kosovës, Vjosa Osmani, ka uruar Suedinë pasi asaj iu hap rruga për anëtarësim në NATO, meqë Hungaria miratoi të hënën kandidaturën e...

Osmani takohet me emirin e Katarit, flasin për trajtimin e...

Presidentja e Kosovës, Vjosa Osmani, është pritur në takim nga emiri i Katarit, Sheikh Tamim Bin Hamad Al Thani, me të cilin ka biseduar...

Të fundit nga rubrika