Instituti Demokratik i Kosovës vlerëson se Komisioni Hetimor Parlamentar për skandalin me rezervat shtetërore në Ministrinë e Tregtisë që mbajti mbledhjen e radhës, ishte në shpërputhje me Ligjin për Hetim Parlamentar.
Kjo sepse, sipas tyre, mandati i këtij komisioni ka përfunduar më 21 mars të këtij viti, pasi kanë kaluar gjashtë muaj nga data e themelimit të tij nga Kuvendi më 21 shtator të vitit 2023.
“Ligji për Hetim Parlamentar e thotë shprehimisht që Komisioni hetimor themelohet në datën e marrjes së vendimit të Kuvendit për themelimin e tij dhe mandati i tij është 6 muaj. Sipas Ligjit, në mënyrë që Komisionit hetimor t’i vazhdohet mandati, kryetari i komisionit duhet t’i drejtohet me kërkesë Kryesisë së Kuvendi, pas aprovimit të secilës vazhdimi i mandatit të komisionit hetimor duhet të votohet në seancë”, njofton KDI.
Sipas KDI, çdo mbledhje e këtij Komisioni që mbahet pa iu vazhduar mandati nga Kuvendi, duke përfshirë edhe atë të mbajtur sot, “janë të jashtëligjshme”.