Kryetarja e Komitetit për Punë të Jashtme në Parlamentin e Britanisë së Madhe, Alicia Kearns, e ka mirëpritur diskolimin e Batalionit të Parë të Regjimentit Mbretëror drejt Kosovës, me qëllim të parandalimit së përshkallëzimit të situatës në Ballkan.
Sipas saj, mosndëshkimi “ngjall përbuzje për sundim të ligjit”, derisa ka bërë thirrje për “frenim, mbrojtje dhe mbajtje të përgjegjësisë”.
“Lëvizje e rëndësishme drejt parandalimit në Ballkan. Grant Shapps, Sekretari i ri i Mbrojtjes në Britani të Madhe konfirmon dislokimin e të gjithë Batalionit të Parë të Regjimentit Mbretëror të Princeshës së Uellsit në Kosovë nën komandën e NATO/KFOR-it. Mosndëshkimi ngjall përbuzje për sundimin e ligjit dhe rendit: frenoni, mbroni dhe mbani përgjegjësi”, tha Kearns në një postim në rrjetin social “X”.
Kearns e ka përgëzuar vendimin e ministrit britanik të Mbrojtjes, Grant Shapps, që trupa shtesë të KFOR-it britanik të dërgohen në Kosovë.
Important move towards deterrence in the Balkans as @grantshapps confirms deployment of the whole 1st Battalion of the Princess of Wales’s Royal Regiment to Kosovo under NATO/KFOR command.
Impunity breeds contempt for the rule of law & order: deter, protect and hold to account.
— Alicia Kearns MP (@aliciakearns) October 1, 2023
Ndryshe, Ministria e Mbrojtjes e Britanisë së Madhe ka njoftuar se ka transferuar komandën e një batalioni të ushtrisë britanike në NATO, në mënyrë që të mund të ofrojë mbështetje në Kosovë “në rast se kërkohet”.