Kompania Kosovare për Distribuim me Energji Elektrike (KEDS), ka njoftuar se ka ndërprerë furnizimin me energji elektrike në zonat e Drenasit, Malishevës dhe Rahovecit, për shkak të reshjeve të dendura të shiut dhe rrezikut të krijuar në infrastrukturë.

Sipas njoftimit të KEDS-it, në nënstacionin Drenas 220/10 kV uji ka depërtuar, duke paraqitur rrezik serioz për funksionimin e sigurt të rrjetit elektrik. Për këtë arsye, është ndërmarrë masa e ndërprerjes së furnizimit për të garantuar sigurinë.

Gjendja është e vështirë edhe në Malishevë dhe Rahovec, ku për shkak të vërshimeve furnizimi me energji është ndërprerë deri në stabilizimin e situatës. Autoritetet përkatëse, përfshirë Policinë dhe Zjarrfikësit, janë njoftuar dhe janë në koordinim të vazhdueshëm me KEDS-in.

Ekipet e KEDS-it janë në terren dhe po punojnë intensivisht për menaxhimin e situatës dhe rikthimin e furnizimit sapo të krijohen kushtet e sigurta.

Reshjet e dendura shkaktojnë vërshime në disa komuna