KEDS vjen me një program “Girls TECH” për vajzat në fushën e TIK-ut.

Të martën është themeluar një program i mbështetur nga Kompania Kosovare për Distribuim me Energji Elektrike në Kosovë (KEDS), në kuadër të programit KEDS Academy, që këtë vit mbushi 9 vjet.

Kjo iniciativë erdhi me qëllim të mbështjetjes së vajzave, për t’i shtyrë ato të ndjekin ëndrrën për karrierën e tyre në drejtime të Teknologjisë Informative dhe fushës së Programimit KEDS.

Pjesë e këtij programi mund të bëhet secila nga nxënëset e shkollave të Mesme Profesionale, profili i Informatikës dhe Gjimnazistet në klasën e 12-të. Ato, gjithashtu, duhet të kenë shkathtësi bazike në përdorimin e Teknologjisë Informative, si dhe sukses të mirë në vitin paraprak.

Nga fillimi i muajit maj të këtij viti,  “Girls TECH” do të jetë dera e hapur për të gjitha vajzat që duan t’i zgjerojnë njohuritë e tyre në fushat e lartpërmendura.

Programi Girls TECH

Ndërsa, numri i vajzave të përzgjedhura do të jetë 15, dhe për të gjitha të interesuarat aplikimi është hapur që sot.

Për zbatimin dhe përpilimin bazë të projektimit janë përkujdesur profesionistët e fushës përkatëse të KEDS, dhe se tani gjithçka është gati për të filluar programin, këtë e ka konfirmuar ideatorja e projektit, Valbona Kadrijaj.

“Ne në KEDS kemi bërë gjithçka gati për të filluar me realizimin e programit. Kemi identifikuar resurset e nevojshme humane, si dhe kemi krijuar infrastrukturën fizike me qëllim të realizimit të projektit. Gjithashtu, edhe stafi mbështetës dhe trajnues është gati, ku përpos angazhimeve të Departamentit për Cilësi, Siguri dhe Trajnime, përkrahje në zbatim kemi edhe nga Departamenti i IT-së. Përveç aftësimit profesional, pas përfundimit të programit, për ato vajza që tregojnë përkushtim të madh në ndjekjen e programit do të jenë dyert e hapura edhe për punësim. Në përfundim të programit, për më të mirat, do të ofrohet mundësia e punësimit në kompani”, ka deklaruar Kadrijaj.

Gjithashtu, ky program po realizohet edhe si premtim i kompanisë për fuqizimin e rolit të gruas në kompani dhe komunitet, me nënshkrimin e shtatë parimeve të Un Women.

Në program do të përshihen këto komuna: Prishtina, Podujeva, Obiliqi, Fushë -Kosova dhe Drenasi. Aplikimi do të jetë i hapur deri më datë 22 prill 2022.

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika