“Kemi pritur mjaft, është koha për paqe” thonë qytetarët në Veri

Si të gjithë të tjerët, edhe qytetarët në Mitrovicën e Veriut janë në pritje të përfundimit të takimit në Bruksel midis krerëve të dy shteteve fqinje, në kuadër të dialogut mes Kosovës dhe Serbisë

Mitrovica e Veriut

Grafitet e vendosura dhe patrullat e Policisë, janë pamjet që po e shoqërojnë Mitrovicën Veriore gjatë së enjtes së 18 gushtit.

Të heshtur por në numër më të madh të qarkullimit, sheshi kryesor në këtë pjesë po presin një sinjal nga Brukseli.

Grafiti me mbishkrimin “Mos u brengosni, këtu jemi”, në Veri të Mitrovicës

“Është treni i fundit për të ndryshuar gjendjen dhe jetën tonë”, thotë Skender Sadiku, zyrtar në Komunën e Mitrovicës Veriore.

“Kemi pritur mjaft, është momenti i fundit që të gjendet një zgjidhje dhe të kemi paqe edhe ne si komunitet”, vazhdon rrëfimin Sadiku.

Pamje aktuale nga Mitrovica e Veriut

Se është bërë boll me situatën e tensionuar në këtë pjesë tash e dy dekada e thonë edhe qytetarët e tjerë të Veriut.

Gjatë ditës është mbajtur takimi i dytë i nivelit të lartë në Bruksel në tentim për të arritur një marrëveshje.

Tashmë ka përfunduar raundi i parë i takimit trepalësh në Bruksel, midis kryeministrit të Kosovës, Albin Kurti, presidentit të Serbisë, Aleksandër Vuçiq, dhe ndërmjetësuesve të Bashkimit Evropian.

Takimi në Bruksel në kuadër të dialogut Kosovë-Serbi

Sipas REL, do të ketë takime dypalëshe midis liderit të Kosovës dhe atij të Serbisë me ndërmjetësuesit e BE-së.

Kjo me qëllimin që liderët të takohen sërish gjatë ditës.

Në ndërtesën e BE-së ku po zhvillohet dialogu ka arritur edhe i dërguari i Shteteve të Bashkuara për Ballkanin Perëndimor, Gabriel Escobar.

Pak para takimit trepalësh, përfaqësuesi i Lartë i BE-së për Politikë të Jashtme, Josep Borrell, ka thënë të enjten se është koha të ecet përpara drejt normalizimit të plotë të marrëdhënieve ndërmjet Kosovës e Serbisë.

Në një postim në Twitter, Borrelli ka shkruar se pret nga udhëheqësit e Kosovës dhe Serbisë që në takimin e sotëm në Bruksel të gjejnë gjuhën e përbashkët.

“Kam thirrur për këtë mëngjes takimin e Dialogut të nivelit të lartë Beograd-Prishtinë. Tensionet e fundit në veri të Kosovës kanë treguar sërish se është koha për të ecur përpara drejt normalizimit të plotë. Unë pres që të dy udhëheqësit të jenë të hapur dhe fleksibël për të gjetur gjuhën e përbashkët”, ka shkruar Borrell.

Ndërkaq, disa afishe në gjuhën serbe me mbishkrimin, “Mos u brengosni, këtu jemi”, janë parë në sheshin “Car Llazar”, në Veri të Mitrovicës.

I shkruar me ngjyrat e flamurit serb, këtij mbishkrimi në rrugët e të njëjtit shesh, i është bashkëngjitur një emblemë me mbishkrimin “Brigada e Veriut”.

I njëjti vjen pikërisht në ditën kur po mbahen takimi midis kryeministrit të Kosovës, Albin Kurti dhe presidentit të Serbisë, Aleksandër Vuçiq.

Serbët në Veri shkruajnë grafite me mbishkrimin, “Mos u brengosni, këtu jemi”

Shija e redaktorit

Intervistë me Mimoza Hasani-Pllana, flet për poezitë dhe kategoritë e...

“Shtegtimi i shqipes në Evropë”, "Komunikimi ndërkulturor” dhe “Poezia e Kosovës në tri kontekste”, janë disa nga librat e fundit të autores, Mimoza Hasani-Pllana. Talentin...

Qenësia e Zarathustrës së Niçes në shqip nga Taulant Hatia

“Njeriu është diçka që duhet të mposhtet. Njeriu është një litar, i lidhur midis kafshës dhe mbinjeriut - një litar mbi një humnerë. Ajo...

Ndryshimi që erdhi nga protestat e studentëve këmishëbardhë të UP-së

“Liria mund të të mos bëjë të lumtur, por të bën njeri”. Këtë thënie e kujton Driton Lajçi, Nënkryetar i Unionit të Pavarur të Studentëve...

Më të lexuarat

Ymeri: Kurti është një hap para dialogut dhe marrëveshjeve me...

“Kryeministri i Kosovës, Albin Kurti është është një hap para në dakordim të dialogut dhe marrëveshjeve  me Serbinë”. Kështu, ka deklaruar analisti politik, Visar Ymeri,...

Maqedonia nuk i njeh letërnjoftimet serbe të institucioneve paralele

“Kjo nuk ka qenë temë diskutimi fare…” Kjo ishte përgjigjja e ministrit të Punëve të Brendshme, Xhelal Sveçla në pyetjen nëse serbët mund ta kalojnë...

Dhunohet 13-vjeçarja, viktima është 8 muajshe shtatëzënë

“Jam frigu tha prej meje, dëmëthënë prej prindit. Jam frigu me tregu, kom mendu se hajt kurgjo nuk është”. Kështu nis rrëfimi i një ngjarjeje...

Të fundit nga rubrika