Këngëtari holandez përjashtohet nga Eurovizioni pak orë para finales

Konkurrenti holandez në Eurovizion është përjashtuar në mënyrë dramatike nga konkursi disa orë përpara finales, ndërsa vazhdonin edhe protestat për pjesëmarrjen e Izraelit

Joost Klein gjatë provave të datë 10 maj 2024. Foto: AFP

Konkurrenti holandez në Eurovizion u përjashtua në mënyrë dramatike nga konkursi disa orë përpara finales së së shtunës, ndërsa vazhdonin edhe protestat për pjesëmarrjen e Izraelit.

Kompania organizatore e konkursit, European Broadcasting Union tha se policia suedeze po hetonte “një ankesë të bërë nga një anëtare femër e grupit të produksionit” kundër interpretuesit holandez Joost Klein. Organizatori tha se nuk do të ishte e përshtatshme që Klein të merrte pjesë në ngjarjen në Malmo, ndërsa procesi hetimor ishte duke u zhvilluar.

Megjithëse motoja e Eurovizionit është “të bashkuar nga muzika”, ngjarja e këtij viti ka rezultuar jashtëzakonisht përçarëse. Pjesëmarrja e Izraelit ka tërhequr demonstrata të mëdha pro-palestineze, me protestues që thonë se vendi duhet të përjashtohet për shkak të veprimeve të Izraelit në luftën në Rripin e Gazës.

Klein, një këngëtar holandez 26-vjeçar, kishte qenë i preferuari i kompanive të basteve dhe artdashësit me këngën e tij “Europapa”.

Ai nuk mori pjesë në dy prova të premten dhe u tha se ishte për shkak të hetimit të një incidenti. Edhe pse thashethemet kishin qarkulluar se incidenti ishte i lidhur me delegacionin e Izraelit, organizatorët thanë se “nuk përfshinte asnjë këngëtar, apo anëtar tjetër të delegacionit”.

Kanali holandez AVROTOS, një nga dhjetëra transmetuesit publikë që financojnë dhe transmetojnë së bashku konkursin, tha se “e konsideron skualifikimin joproporcional dhe është i tronditur nga vendimi”.

“Na vjen thellësisht keq për këtë dhe do t’i rikthehemi kësaj më vonë”, tha rrjeti AVROTOS në një deklaratë.

Mijëra njerëz u mblodhën në qendër të Malmos të shtunën për të marshuar për herë të dytë këtë javë nëpër qytetin e tretë më të madh të Suedisë, i cili ka një popullsi të madhe myslimane, për të kërkuar një bojkotim të Izraelit dhe një armëpushim në luftën shtatëmujore.

Në Finlandë, një grup prej rreth 40 protestuesish sulmuan selinë e transmetuesit publik YLE të shtunën në mëngjes, duke kërkuar që të tërhiqej nga mbulimi i Eurovizionit për shkak të pjesëmarrjes së Izraelit.

Disa kilometra nga qendra e qytetit në Malmo Arena, 25 këngë – nga 37 fillimisht në gjysmëfinale – janë planifikuar të paraqesin këngë tre-minutëshe përpara një publiku prej mijërash personash të pranishëm, si dhe rreth 180 milionë shikuesve në mbarë botën.

Tensionet ishin të dukshme në orët para finales. Disa artistë munguan në hyrjen e artistëve në fillimin e provës së fundit, megjithëse të gjithë, përveç Bambie Thug të Irlandës, vazhduan të dalin në skenë.

Këngëtarja irlandeze njoftoi me një deklaratë se mungesa ishte për shkak të një situate “të cilën e ndjeja se kishte nevojë për vëmendje urgjente” dhe u tha mbështetësve: “Shpresoj t’ju shoh në skenë më vonë”.

Këngëtari francez Slimane ndërpreu këngën e tij “Mon Amour” gjatë provës, për të mbajtur një fjalim duke u kërkuar njerëzve që të “bashkohen nga muzika, po – por me dashuri, për paqen”. /VoA

Shija e redaktorit

Sulmuesi i përfaqësueses së Kosovës Muhamet Hyseni zyrtarizohet tek AC...

Të verdhit e rrezikshëm siç njihen në futbollin danez “AC Horsens” kanë arritur të bëjnë goditje të rëndësishme për afatin e ri kalimtar të...

Fermeri 74 vjeçar i shtëpisë së të moshuarve e funksionalizon...

Domate, speca, tranguj, kunguj e plot lloje të tjera perimesh janë të gjeturat e stinës në këtë serrë, mu në zemër të kryeqytetit. Ajo gjendet...

Shefja e katalunasve në Parlamentin e Spanjës: S’do të ndalemi...

Partia katalunase “Junts per Catalunya” kanë marrë një iniciativë në Parlamentin e Spanjës për t’i kërkuar Qeverisë së Spanjës njohjen e pavarësisë së Kosovës...

Të fundit nga rubrika