Ilir Kërçeli, Shefi i Kabinetit të Kryetarit të Kuvendit të Kosovës, ka njoftuar nëpërmjet një postimi në rrjetin e tij social Facebook se seanca e Kuvendi të Kosovës janë duke u bojkotuar nga Lista Serbe tash e katër muaj.
Tutje, Kërçeli , ka theksuar se ajo është një parti që i po i bojkoton institucionet e Kosovës, por është duke marrë pjesë në Këshillit Kombëtar të Sigurisë së Serbisë.
“Nesër më datë 27.10.2022, Kuvendi i Republikës së Kosovës mban seancën plenare të radhës. Siç e dini, tash e katër muaj rradhazi Lista Serbe nuk merr pjesë në punimet e Kuvendit të Kosovës dhe i bojkoton në tërësi angazhimet e saj”.
“E pikërisht nesër, Lista Serbe nuk vjen në punimet e Kuvendit të Republikës së Kosovës, por shkon në punimet e Këshillit Kombëtar të Sigurisë së Serbisë, të kryesuar nga Vuçiq”, ka shkruar në Facebook Kërçeli.
Më etj, ai ka shtuar se për këtë gjë duhet të informohen publiku dhe ndërkombëtarët që Lista Serbe vazhdon të mbaj konsultimet dhe punimet e saj vetëm me dhe në Beograd.