Deputeti i Lëvizjes Vetëvendosje, Ilir Kërçeli, ka kritikuar deputetin e Lidhjes Demokratike të Kosovës, Kujtim Shalën, i cili është propozuar për postin e nënkryetarit të Kuvendit.
Kërçeli ka thënë se Shala, në deklaratat e tij të mëparshme, ka bërë të ditur se është votuar për të mos bashkëpunuar me kryeministrin Albin Kurti, ndërsa tash po kërkon votat e deputetëve të LVV-së për t’u zgjedhur nënkryetar i Kuvendit.
“Prej kujt po kërkon votë tash?! Ai që nuk ka votë madje as kundër Presidentit e as nuk rri në sallë?!”, ka deklaruar Kërçeli.
Ndërkaq, Kujtim Shala pati deklaruar për media se është “gjithmonë kundër bashkëpunimit me Albin Kurtin”, duke theksuar se për këtë qëndrim është votuar nga qytetarët.