Irani e ka ashpërsuar gjuhën kërcënuese ndaj Shqipërisë, dhe pas sulmeve kibernetike tani po pretendon se ka aftësi dhe pajisje ushtarake nëpërmjet të cilave mund ta sulmojë fizikisht Shqipërinë.
“Dronët e hekurt të Iranit mundet të godasin bazën e Muxhahedinëve të MEK në Shqipëri”! Ky është titulli portalit Iranian “Front Page” (Faqja e parë), ku citohet një shkrim i një gazete qeveritare iraniane raporton TopChannel, transmeton Portali Dukagjini.
Portali Iranian e ka cituar faqen zyrtare të Ministrisë e Inteligjencës e cila ka pretenduar se shteti iranian ka në posedim dronët që kanë aftësi të kryejnë sulme edhe në Shqipëri.
“Dronët iranianë dhe sistemet e raketave nuk janë të limituara në aspektin gjeografik për sa i përket vendeve fqinje. Irani ka në dispozicion kapacitete, posaçërisht dronë, të cilët me lehtësi mund të sulmojnë bazën e MEK në Tiranë. Irani ka dronë luftarakë të cilët mund të udhëtojnë përtej distancës Iran-Shqipëri”.
“Irani i jep të drejtën vetes që përballë veprimeve të MEK, të shënjestrojë bazën e tyre”.
Në vitin 2016 Shqipëria i kishte strehuar 3 mijë anëtarë të opozitës iraniane dhe kjo është arsyeja e sulmeve kibernetike dhe kërcënimeve me dronë.